គណៈប្រតិភូសភាជាតិកម្ពុជាប្រើប្រាស់ភាសាបារាំង បន្តចូលរួមប្រជុំគណៈកម្មការអប់រំ ទំនាក់ទំនង និងកិច្ចការវប្បធម៌នៃ APF ======= នាថ្ងៃទី២៨ ខែមិថុនា ឆ្នាំ២០២១ វេលាម៉ោង ២០:០០នាទី គណៈប្រតិភូសភាជាតិនៃព្រះរាជាណាចក្រកម្ពុជា ដឹកនាំដោយឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា បានបន្តអញ្ជើញចូលរួមកិច្ចប្រជុំគណៈកម្មការអប់រំ ទំនាក់ទំនង និងកិច្ចការវប្បធម៌នៃសភាប្រើប្រាស់ភាសាបារាំង (APF) តាមប្រព័ន្ធវីដេអូ នៅសាលសិក្ខាសាលាបណ្ណាល័យវិមានព្រឹទ្ធសភា ដោយផ្សាយចេញពីទីក្រុងប្រុចសែល ប្រទេសប៊ែលហ្ស៊ិក។
សូមជម្រាបថា កិច្ចប្រជុំគណៈកម្មការអប់រំ ទំនាក់ទំនង និងកិច្ចការវប្បធម៌នៃសភាប្រើប្រាស់ភាសាបារាំងនេះ ប្រព្រឹត្តទៅ ពីថ្ងៃទី២៧-២៨ ខែមិថុនា ឆ្នាំ២០២១៕
